Zure enpresarako hizkuntza-soluzio integralak

Itzulpengintza eta Komunikazioa

ITZULPENGINTZA ETA KOMUNIKAZIOA

Zure nazioarteko hedapena bultzatzen duten itzulpenak

Bultzatu zure erakundearen komunikazio globala hizkuntza-soluzio adimendunekin. MondragonLinguan, giza esperientzia eta teknologia aurreratua uztartzen ditugu zure negozioa zure bezeroekin lotzeko, haiek hoberen ulertzen duten hizkuntzan.

ITZULPENGINTZA ETA KOMUNIKAZIOA

Eduki eta helburu bakoitzerako hizkuntza-soluzio egokia

Zure mezua hartzaile bakoitzarengana argi eta eraginkortasunez iristeko, neurrirako lan-fluxuak diseinatzen ditugu, giza itzulpena, AA, lokalizazioa eta multimedia-zerbitzuak uztartuta. Formatuak, hizkuntza-bikoteak eta xede-publikoa ebaluatzen ditugu, kalitatearen, kostuaren eta abiaduraren arteko konbinaziorik egokiena proposatzeko. Horrela, arriskuak murrizten dituzu, prozesuak bizkortzen dituzu eta markaren koherentziari eusten diozu hizkuntza guztietan.
Informazio gehiago
Neurrirako hizkuntza-zerbitzuak, ISO 9001 eta ISO 17100 (itzulpen-zerbitzuetarako berariazkoa) arauek ziurtatutako kalitatearekin
Itzulpen espezializatua eta araudi-betetzea bermatuta
Automatizazioa eta kontrol zentralizatua 
zure itzulpenetan
Eskatu hizkuntza-aholkularitza eta jaso plan estrategiko pertsonalizatua, ezarpenerako gomendioekin.
Jarri gurekin harremanetan

LAN-METODOLOGIA

Kalitatea eta araudia betetzea bermatzen dituzten prozesu ziurtatuak

Informazio gehiago
ISO arauen eta prozesu estandarizatuen arabera egiten dugu lan, eta horrek trazabilitatea, kalitate-kontrola, balidatutako glosarioak eta konfidentzialtasuna babesten duen dokumentu-kudeaketa bermatzen ditu. Metodo honekin, berregite-lanak minimizatzen dira eta lehen bidalketatik bertatik itzulpen guztiz fidagarriak lortzen dira, berehala.

Aholkulari birtuala

Bete gure inprimaki adimenduna eta jaso zure beharretarako ikuspegi eraginkorrenari buruzko gomendio pertsonalizatua (hizkuntza-pareak, teknologia, epeak eta kostua). Gure aholkulariak zure kasua aztertzen du eta soluzio egokiena proposatzen dizu —giza itzulpenetik hasi eta AA bidezko itzulpen automatiko eta postedizio profesionaleraino—, ROIaren eta araudia betetzearen irizpideak kontuan hartuta. Azkarra eta argia da, eta erabakiak hartzen laguntzeko diseinatuta dago.

Formulariorako sarbidea

BITARTEKARITZA

Interpretazioa

Sektore espezializatuetako interpretazio profesionala, aurkezpen, prestakuntza-saio, bilera eta elkarrizketetarako.
Aldibereko interpretazioa
Diskurtsoarekin batera, denbora errealean egiten den interpretazioa. Kabinak, soinu-ekipoak eta laguntza teknikoa behar ditu.
Esan osteko interpretazioa
Interpretazioa txandaka eskaintzen da esku-hartze bakoitza amaitzean, ekipamendu teknikorik behar izan gabe.
Telefono bidezko / bideokonferentzia bidezko interpretazioa
Diskurtsoarekin batera, denbora errealean egiten den interpretazioa. Kabinak, soinu-ekipoak eta laguntza teknikoa behar ditu.

LAGUNTZA

Ohiko galderak

Askotariko hizkuntzekin egiten dugu lan, hizkuntza gutxituak barne. Hizkuntza jakin bat behar baduzu, jarri gurekin harremanetan eta baieztatuko dizugu.

Mota guztietako edukien itzulpen orokorrak eta espezializatuak eskaintzen ditugu: eskuliburuak, fitxa teknikoak, dokumentu juridikoak eta finantzarioak, medikuntzako, zientziako eta hezkuntzako testuak, web-orriak eta publizitate-edukiak, softwarea…

Gure itzulpen guztiak xede-hizkuntzako jatorrizko hiztunak diren giza itzultzaile profesionalek egiten dituzte. Eduki motak eta hizkuntza-pareak horretarako aukera ematen badute, hizkuntzalari adituek posteditatutako itzulpen automatikoak ere egiten ditugu.

Sektoreka espezializatutako itzultzaileak ditugu, eta ISO 17100-2015 arauak (itzulpenetarako berariazkoa) ezartzen dituen berrikuspen- eta kalitate-kontrol prozesuak aplikatzen ditugu, jatorrizko testuarekiko zehaztasuna, koherentzia eta fideltasuna bermatzeko.

Epea hizkuntzaren, testuaren luzeraren eta konplexutasunaren araberakoa da. Entrega estandarrak eta premiazkoak eskaintzen ditugu. Aurrekontua eskatzean, epe zehatza adierazten dugu.

Prezioa, oro har, hitz bakoitzeko kalkulatzen da, hizkuntza-parearen, testu motaren eta premiaren arabera. Deskontuak aplikatzen dira fitxategi bereko edo itzulpen-memorietako errepikapenengatik. Aurrekontua doakoa da eta ez dakar konpromisorik.

Dokumentu guztiak konfidentzialtasun zorrotzez tratatzen ditugu. Elkarlanean hasi aurretik, konfidentzialtasun-akordio bat sinatzen dugu. Gainera, itzulpenak kudeatzeko gure plataforma muturretik muturrera zifratuta dago, eta erabiltzeko autentifikazio bikoitza eskatzen du.

Era guztietako formatuak itzultzen dugu: Word, PDF, Excel, PowerPoint, InDesign, ResX, besteak beste. Dokumentu eskaneatuen kasuan, kalitatea ebaluatzen dugu baieztatu aurretik.

Bai, eskuragarri dauden hizkuntzetan zinpeko itzulpen ofizialak eskaintzen ditugu, lege- eta administrazio-izapideetarako baliozkoak.

Zure dokumentua harremanetarako inprimakiaren bidez, posta elektronikoz edo zuzeneko txataren bidez bidal diezagukezu, eta egunean bertan erantzungo dizugu, edo, fitxategia konplexua bada, hurrengo egunean.